اسعد الله مساكم اخواني

هذه ابيات متواضعة من مشاركاتي في سجن الكلمات


حبيت ان اضعها هنا


راجيا ان تنال رضاكم


مع اطيب امنياتي


ياترى وشهو شــــعورك يوم عني كلموك

وياترى وش حس قلبك يوم ربعك يذكروني

وش كلامك وش ردودك لاتعنوا واخبروك

عن خباري عن حوالي ووصفهم لوبه طروني

هل تبسمت الشفايف او بذكري احرجوك

وهل تغيرت الملامح يوم قاموا يوصفوني

وهل يدينك قد تمادوا بارتعشة واربكوك

او تجاهلت السوالف كنهم ما يقصدوني

واش خبر دقات قلبك هل تعالوا وازعجوك

او حساسك والمشاعر كلهم يتجاهلوني

لا تلوم اصويحباتك حتى لاهم كدروك

كانت مجرد سوالف ولا هم مايعرفوني


مادروا عن حب نادر ذي درابه بس قلبك= مادروا لانك جعلته سر في قلبك دفين

مادروا يانور عيني مادروا اني احبك=اايه احبك ايه اودك ايه وانتي تعلمين

تعلمين اني متيم وانني غارق ببحرك =تعلمين ورغم علمك ياحياتي تجرحين

تعلمين انك اميرة وان قلبي لك وملكك=مملكة قامت لاجلك ولها انتي ترفضين

تعلمين اني وههبتك قلبي وروحي باسمك=وانني اكرم مدائن كلها من شان عين

وان حبل الود امده مع محبينك لاجلك=وكل اساليب اهتمامي انتي بها تعرفين

وتعرفي سر اهتمامي بكل اصحابك واهلك=كل هذا تعرفينه حتى لو تتجاهلين

كلها دروبي تجاهك كلها تودي لدربك=طول عمري احاول اقرب وانتي عني تبعدين

وعاذرك ياكل عمري رغم هجرانك وصدك=دام قلبك ماتولع يحق لك تتنكرين

الهوى ماهو بيدي ولا الهوى امره بيدك=قد زماني مانصفني كيف انتي تنصفين

مانصفني قلب عاصي غايته يبقى بقربك=منيته وغاية مراده انك انتي تسعدين

لندم ماجاه طاري حتى لو يكويه جمرك= هذا قلبي من عرفته في زنازينك سجين

شيء واحد بس اعرفه رغم نكرانك وبعدك= طول مابي روح حية بذكرك في كل حين

كان ودي بس اعرف وش شعورك يوم عني حدثوك

كنت اباقارن شـــــــــــــــــــــعوري يوم عنك يحدثوني